Ac qalmış hüceyrələr öz funksiyalarını yerinə yetirə bilmir;

Qlükoza hüceyrələrə daxil ola bilmir və qanda onun miqdarı artır;

Mədəaltı vəzi qanda şəkərin səviyyəsini azaltmağa çalışaraq, uğursuz olsa da, insulini getdikcə daha çox həcmlərdə istehsal etməyə davam edir.

Düzgün qidalanmama və qlükozanın qana həddən artıq çox daxil olması zamanı insanda insulinin daimi yüksək səviyyəsi müşahidə olunur, bu da reseptorları həddən artıq aktivləşdirir. Orqanizm bu qədər siqnala vaxtında reaksiya vermək iqtidarında olmayan orqanizm “qulaqlarını tıxmağa” çalışır və hüceyrələrin həssaslığını azaldır;

Artıq çəki mövcud olduqda, piy toxuması endokrin orqan kimi çıxış edir və hüceyrələrin insulinə qarşı həssaslığına mənfi təsir edən maddələr sintez edir;

Genetik meyl sayəsində insanda əvvəlcədən insulinə qarşı daha az həssas reseptorlar ola bilər.

İştahanın artması, doyma hissinin olmaması;

Bel əhatəsinin qadınlarda 80 sm-dən və kişilərdə 94 sm-dən çox olması;

Qanda qlükozanın və triqliseridlərin səviyyəsinin yüksəlməsi;

Bədən çəkisinin əhəmiyyətli dərəcədə artması;

Qara akantoz — büküşlərdə və sürtünmə yerlərində, dizlərdə, dirsəklərdə, qoltuqaltı nahiyələrdə dərinin rənginin tündləşməsi;

Dəridə törəmələr — papillomalar, keratomalar, hemangiomalar;

Xroniki yorğunluq, yeməkdən sonra yuxuya meyllilik;

Əsəbilik, əhval-ruhiyyənin dəyişkən olması;

Miomanın, endometriozun, polikistoz yumurtalıqlar sindromunun mövcud olması;

Başgicəllənmələr;

Görmə qabiliyyətinin pisləşməsi.

Çəkini və qida rasionunu normallaşdırmaq

Bu bəndi yerinə yetirmədən hüceyrələrin insulinə qarşı həssaslığını bərpa etmək mümkün deyil.

Birincisi, mədəaltı vəzini gücləndirilmiş rejimdə işləməyə məcbur edən məhsulları — asan mənimsənilən karbohidratları (ağ un, nişasta, bal, şəkər, şərbətlər, qənnadı məmulatları və s.), yarımfabrikatlar, fəst-fud, "maye kalorilər" (şirin qazlı içkilər, şirələr, alkoqol, energetik içkilər).

İkincisi, qida rasionunu orqanizmin kəskin aclıq vəziyyətinə düşmədən toplanmış piy toxuması ehtiyatlarından yavaş-yavaş istifadə etməsinə imkan verən kalori çatışmazlığı ilə formalaşdırmaq lazımdır. Tədqiqatlara əsasən, gündə 400 kalori çatışmazlığı qadınların 20 həftə ərzində 12 kq çəki atmasına və ən təhlükəli visseral piyin miqdarını 25% azaltmasına kömək edir.¹

Pəhrizin başlanğıc mərhələlərində qida rasionunun dəyişməsi zamanı aclıq hissini dəf etməyə kömək etmək üçün həkim kompleks müalicənin tərkibində semaqlutid əsasında preparat təyin edə bilər. Bu preparat qlükaqonabənzər peptid-1 (QBP-1) reseptorlarına təsir edərək, qidanın mədədən çıxarılmasını ləngidir, toxluq və dolğunluq hissini uzadır, eləcə də piy kütləsinin azalmasına kömək edir.

Bu, nəinki kalori çatışmazlığının uzun müddət qorunub saxlanması, həm də qida qəbulları arasında 3-4 saat ərzində qəlyanaltılar olmadan "təmiz" zaman aralıqlarına (qanda insulinin səviyyəsinin azalmasına kömək edirlər) daha asan əməl olunması üçün çox vacibdir. Bundan əlavə, semaqlutidin istifadəsi 16/8 interval aclıq rejiminə rahatlıqla keçməyə kömək edə bilər, bu rejim zamanı orqanizm yemək qəbulunun olmadığı daha uzun gecə aralıqlarına malik olur ki, bu da reseptorların həssaslığının bərpasına kömək edir.

Bundan əlavə, insulinə qarşı rezistentlik vəziyyətində bağırsaqda qlükozanın sorulmasını və qaraciyərdə onun sintezini azaldan, eləcə də toxumaların insulinə qarşı həssaslığını artıran, lakin arıqlamanın sürətinə və keyfiyyətinə cüzi təsir edən preparat — metformin təyin edilə bilər.

Pəhrizdə bol miqdarda nişastasız tərəvəz və göyərtilərlə birlikdə yağsız zülala (ət, balıq, dəniz məhsulları, paxlalı bitkilər), qoz-fındıqdan alınan bitki yağlarına və yağlara, eləcə də, daha aşağı qlikemik indeksə (qidanın tərkibində olan karbohidratların qlükozanın səviyyəsinə təsir etmə göstəricisi) malik olan tam taxıl bitkilərinə üstünlük verilir.

Fiziki fəallığın artırılması

Həm kardio, həm də güc məşqləri əzələlərdə qlikogen sərfiyyatını artırır, bu isə qandakı qlükoza hesabına bərpa olunur. Bu zaman nəinki şəkərin səviyyəsi azalır, həm də toxumaların insulinə qarşı həssaslığı artır.

Yaxşı olar ki, həftədə ən azı 3 dəfə fiziki hərəkətlər edəsiniz, lakin unutmayın ki, ən böyük kalori sərfiyyatına gündəlik məişət fəallığı — gəzmək, ev işləri, uşaqlarla aktiv oyunlar səbəb olur. Buna görə də, həyatın bütün aspektlərinə daha çox hərəkət daxil etmək və kalori sərfiyyatını artırmağın hər bir əlavə imkanını axtarmaq lazımdır.