Qarından necə xilas olmalı?

Eyni boya və çəkiyə malik olan iki insanda xarici görünüş olduqca fərqlənə bilər və burada əsas rolu orqanizmin artıq piyi yığmağa üstünlük verdiyi yer oynayır.

Əgər qarının daxilinə baxsaq, aşağıdakıları görə bilərik:

Hər iki variantın kombinasiyasına da rast gəlmək olar. Bir qayda olaraq, insanda dərialtı piy nə qədər çoxdursa, visseral piy də bir o qədər çoxdur, lakin bəzən vizual olaraq qamətli bədən quruluşuna malik insanda abdominal piylənmənin yüksək səviyyəsinə rast gəlinir.

Piy yığıntılarının növündən asılı olmayaraq, artıq çəki ilk növbədə qida ilə daxil olan və gün ərzində sərf olunan enerji balansının pozulması ilə əlaqədardır. Buna görə də, kaloriliyin məhdudlaşdırılması ilə pəhrizə əməl olunması artıq çəkili insanlara bu qədər səmərəli təsir edir.

Tədqiqatlardan birinə əsasən¹, 5 həftə ərzində qida rasionunun kaloriliyinin 400 kkal azalması fiziki yüklənmələrin intensivliyindən asılı olmayaraq visseral piyin miqdarını 25% azalda bilər. Eyni zamanda, bol miqdarda sağlam yağlarla zəngin olan az karbohidratlı pəhriz, az yağlı və çox karbohidratlı pəhrizlə müqayisədə beldə əlavə santimetrlərin öhdəsindən daha tez gəlməyə kömək edir.

Əlavə nəticə əldə etmək üçün rasionda zülalın payını bədən çəkisinin hər kiloqramına 1,3 qrama qədər artırmaq olar. Bu, nəinki qida qəbulundan sonra toxluq müddətini artırır, həm də arıqlama prosesində visseral piyin itirilməsini artırır.

Hətta alimlərdə indiyə qədər razılığa gələ bilməyiblər, visseral piyin yandırılması üçün nə daha yaxşıdır – kardio yoxsa güc məşqləri? Lakin tədqiqatların meta-analizlərindən² belə qənaətə gəlmək olar ki, istənilən idman abdominal piylənməyə qalib gəlmək şanslarını artırır.

Əgər kardioməşqləri xoşlayırsınızsa, unutmamalısınız ki, oynaqlar və ürək-damar sistemi üçün təhlükəli olduqları üçün tullanma və intensiv qaçış bədən çəkisi çox yüksək olan şəxslərə tövsiyə edilmir. Bu halda ən yaxşısı – sürətli gəzməyi, üzgüçülüyü və ya velosiped sürməyi seçməkdir.

Bundan əlavə, visseral yağın yandırılması üçün idman zalında keçirilən vaxtı azaldan YİİM – yüksək intensivlikli interval məşqlərindən və dinclik vəziyyətində kalorilərin yanmasını əlavə olaraq artıran ağırlıqla məşqlərdən istifadə etmək olar.

Həftədə ən azı 3 dəfə məşğul olmaq, intensivliyi tədricən artırmaq, hərəkətlərin texnikasına nəzarət etmək və orqanizmin fiziki yüklənməyə uyğunlaşmasına və effektivliyin azalmasına yol verməmək üçün vaxtaşırı olaraq hərəkətləri dəyişdirmək lazımdır.

Təəssüf ki, abdominal piylənmənin xüsusiyyətləri səbəbindən arıqlama çox zaman yüksək aclıq səviyyəsi və doyma hissi ilə bağlı problemlərlə mürəkkəbləşir.

Piy hüceyrələri toxluq hormonu olan leptin istehsal edir. Onlar nə qədər çoxdurlarsa, bu hormonun da səviyyəsi bir o qədər yüksəkdir, bu hormon orqanizmə siqnal göndərir ki, daha yemək lazım deyil, biz toxuq.

Lakin çox zaman həddən artıq yemək problemləri təkcə fizioloji "normal" aclığın deyil, həm də psixologiya, emosiyalar, hüceyrə və toxumalarda baş verən dəyişikliklər sahəsində olur.

Leptinin səviyyəsinin yüksək olmasına baxmayaraq, insan həddən artıq yeməyə davam etdikdə, orqanizm hüceyrələrin membranından leptin reseptorlarını “gizlədir”. Bu mexanizmi bezdirici olaraq zəng çalan, danışmaq istəmədiyimiz insandan gələn ardıcıl zəngləri eşitməmək üçün səssiz rejimə keçirdiyimiz telefonla müqayisə etmək olar.

Daha sonra isə qüsurlu dövrə formalaşır – insan getdikcə daha çox yeyir, piy toxuması artıq çox olduğu barədə işarə edir, lakin siqnal çatmır və insan aclıq hiss etməyə və yeməyə davam edir.

Bunu qəbul etmək lazımdır ki, arıqlamaq iradə gücünün çatışmazlığı deyil, fiziologiyanın və hormonal fonun xüsusiyyətləri səbəbindən çətin ola bilər.

Kalori çatışmazlığını uzun müddət və rahatlıqla qoruyub saxlamaq üçün, kombinə olunmuş müalicədə arıqlama preparatlarından istifadə etmək olar, optimal variantlardan biri – qlükaqonabənzər peptid-1 (QBP-1) reseptorlarının aqonisti olan semaqlutid əsasında iynələrdir. Bu hormon insan orqanizmində, mədə və bağırsaqda qida olduğunu hiss etdikdə istehsal olunur və dolğunluq hissi verir.

Semaqlutid insanın daha uzun müddət toxluq hiss etməsinə və əzabverici aclıq hiss etmədən qəbul edilən yeməyin miqdarını azaltmasına kömək edir. Bunun sayəsində daha sağlam və daha az kalorili qida rasionuna keçmək daha rahat, arıqlama isə daha effektiv və sürətli olur.

Piylənmə epidemiyasının pandemiya miqyaslarına çatmasına baxmayaraq, beldə artıq santimetrlərdən xilas olmağa və onlarla əlaqəli riskləri azaltmağa kömək edən effektiv çəkiyə nəzarət metodları mövcuddur. Əgər ilk dəfə deyil ki, müstəqil olaraq qida rasionunuzu məhdudlaşdırmağa çalışırsınız və bu, uğursuzluqla nəticələnir, çox güman ki, problem sizdə və ya iradə gücünüzün çatışmamasında deyil. Bu o deməkdir ki, biokimyəvi balansı dəyişdirmək və sizi qamətli bədən quruluşuna gətirib çıxaracaq yeni, faydalı qida rasionuna öyrəşməyə özünə vaxt verməsi üçün orqanizminizə ilkin mərhələdə kömək lazımdır.